"Yəmən sahillərində "Central Park" tankerini qaçırmağa cəhd edilib. Cəhdin Somali quldurları tərəfindən həyata keçirildiyi ehtimal edilir". 

"Operativ Media" xəbər verir ki, bu barədə "Reuters" Pentaqonun sözçüsünə istinadən məlumat yayıb.

"Biz vəziyyəti qiymətləndirməyə davam edirik, lakin ilkin məlumatlara görə, hücum edənlərdən beşi Somalilidir", - deyə agentlik Pentaqonun mətbuat katibi ABŞ Hərbi Hava Qüvvələrinin generalı Patrik Rayderdən sitat gətirib.

"Aydındır ki, hadisə piratçılıqla bağlıdır", - o əlavə edib.

Bundan əvvəl ABŞ Mərkəzi Komandanlığı (CENTCOM) məlumat vermişdi ki, "USS Mason" esminesi naməlum şəxslərin hücumuna məruz qalan "Central Park" gəmisinin qəza çağırışına cavab verib. Daha sonra beş silahlı şəxs kiçik qayıqları ilə qaçmağa cəhd ediblər. "USS Mason" hücumçuları təqib edərək onları təslim alıb.