WSJ: ABŞ Rusiya və HƏMAS-a dəstək verdiyi üçün Türkiyəni sanksiyalarla hədələyir

"ABŞ prezidenti Co Bayden administrasiyası Türkiyəni Rusiyaya və HƏMAS hərəkatına dəstək verdiyi üçün məhdudlaşdırıcı tədbirlərlə hədələyib".

"Operativ Media" xəbər verir ki, bu barədə "The Wall Street Journal" məlumat yayıb.

Məlumata görə, Qərbin anti-Rusiya məhdudiyyətlərindən yayınarsa, türk şirkətləri və şəxslər sanksiyalar siyahısına daxil olmaq riski ilə üzləşəcəklər. ABŞ maliyyə nazirinin müavini Brayan Nelson Türkiyə səlahiyyətliləri ilə görüş ərəfəsində deyib: "Biz bunu dayandırmaq üçün mümkün olan hər şeyi etməyə qərarlıyıq və bunu Türkiyə ilə ortaq şəkildə etmək istəyirik, eyni zamanda birtərəfli hərəkət etməyə də hazırıq".