ÜST rəhbəri: Qəzzada humanitar vəziyyət heyrətamizdir

"Hərbi əməliyyatların bərpasından sonra Qəzza zolağında humanitar vəziyyət heyrətləndiricidir, baş verənləri təsvir etmək üçün kifayət qədər təsirli söz tapmaq mümkün deyil". 

"Operativ Media" xəbər verir ki, bu sözləri Ümumdünya Səhiyyə Təşkilatının (ÜST) baş direktoru Tedros Adhanom Qebreyesus deyib.

"Qəzzada davam edən döyüşlər və ağır bombardmanlarla bağlı xəbərlər narahatedicidir. Dünən komandamız anklavın cənubundakı Nassar xəstəxanasına baş çəkdi. Xəstəxana dolu idi, 1000 xəstə var idi, bu rəqəm limitdən üç dəfə çoxdur. Saysız-hesabsız izdiham sığınacaq axtarırdı", - o, "X" sosial şəbəkəsində yazıb.

ÜST rəhbəri əlavə edib ki, xəstələr yerdə uzanıb, ağrıdan qışqırırlar və belə şəraitdə onlara həkimlər kömək etməyə çalışır.

"Bu cür şərait tibbi xidmətin göstərilməsi üçün nəinki qeyri-adekvat, həm də ağlasığmazdır. Şahidlərimizdən narahatlığımızı ifadə etmək üçün kifayət qədər təsirli söz tapa bilmirəm. Atəşkəs lazımdır", - o vurğulayıb.

Qurumun baş direktoru Qəzzaya humanitar yardımın atəşkəs zamanı olduğu həcmdə bərpa olunmasını istəyib və bölgədə zorakılığın dayandırılmasının vacibliyinə işarə edib.