İndoneziyada Merapi vulkanı püskürüb

Bazar günü İndoneziyanın Qərbi Sumatra əyalətində Merapi vulkanı püskürüb.

"Operativ Media" xəbər verir ki, bu barədə "Reuters" məlumat yayıb.

Ölkənin Milli Fövqəladə Hallar İdarəsi BNPB-nin məlumatına görə, püskürmə 3000 metr hündürlüyə qədər qalxıb.

Səlahiyyətlilərin bildirdiyinə görə, hündürlüyü 2891 metr olan vulkan yerli vaxtla saat 14:54-də püskürüb və yaxınlıqdakı ərazilərə yüksək intensivlikli vulkanik kül səpib.

Səlahiyyətlilər sakinlərə və ziyarətçilərə kraterdən 3 km radiusda hər hansı fəaliyyətlə məşğul olmağı qadağan edib və Merapi dağı üçün ikinci xəbərdarlıq səviyyəsini təyin edib.