Ermənistan və Rusiya Yuxarı Larsdakı vəziyyəti təcili həll etmək üçün məsləhətləşmələr aparır

Ermənistan və Rusiya Federasiyası Yuxarı Larsdakı vəziyyəti təcili həll etmək üçün məsləhətləşmələr aparır.

"Operativ Media" xəbər verir ki, bu barədə Ermənistanın İqtisadiyyat Nazirliyi məlumat yayıb.

Bildirilir ki, hazırda fitosanitariya sahəsində dövlət orqanlarının nümayəndələri arasında, həmçinin yaranmış problemlərin təcili həlli üçün ikitərəfli işçi məsləhətləşmələr aparılır.

Qeyd edək ki, Ermənistanın yük avtomobilləri uzun müddət Rusiyaya keçmək üçün sərhəddə növbə gözləyib. Bəzi yük avtomobilləri isə sərhədi keçəndən sonra geri qaytarılıb.