Rusiyada yük maşını Rosqvardiya konvoyuna çırpılıb, ölən var

Rusiya Federasiyasının Voronej vilayətində yük maşını Rosqvardiya konvoyuna çırpılıb, nəticədə 1 nəfər ölüb.

"Operativ Media" xəbər verir ki, bu barədə məlumatı “İzvestiya” yayıb.

Hadisə M-4 Don avtomobil yolunun 596-cı km-də qeydə alınıb.

“Rosqvard avtomobillərində olan daha 7 nəfər yaralanıb. Lakin xəsarətlər yüngül olduğundan xəstəxanaya yerləşdirmə tələb olunmayıb”, - məlumatda bildirilir.

Hadisə ilə bağlı hüquq-mühafizə orqanları araşdırma aparır.

Qəzanın hansı şəraitdə baş verdiyi aydınlaşdırılır.