Ağ Ev: ABŞ silahlı qüvvələrinin döyüş hazırlığını azaltmasa, Kiyevə kömək etmək çətin olacaq

"İlin sonuna kimi ABŞ silahlı qüvvələrinin döyüş hazırlığını azaltmasa, Kiyevə kömək etmək çətin olacaq".

"Operativ Media" xəbər verir ki, bunu Ağ Evin mətbuat katibinin birinci müavini Oliviya Dalton Bostona uçan prezident təyyarəsinin göyərtəsində jurnalistlərə deyib.

"İlin sonuna qədər elə vəziyyət mövcud olacaq ki, öz ehtiyatlarımıza təsir etmədən və silahlı qüvvələrimizin döyüş hazırlığını azaltmadan Ukraynanı dəstəkləməyə davam etmək bizim üçün çətin olacaq. Vaxt keçir və vəsait tükənir", - Dalton bildirib.

O qeyd edib ki, Amerika administrasiyası əvvəllər tələb olunan büdcə ayırmalarının tez bir zamanda təsdiqlənməsini təmin etmək üçün ölkənin cənub sərhədində miqrasiya böhranının həlli üçün qərarlar tələb edən ABŞ Konqresində respublikaçılarla güzəştə getməyə hazırdır: "Respublikaçılar indi immiqrasiya islahatı haqqında danışmaq istəsələr, biz bunu etməyə hazırıq. Lakin biz də onların kritik milli təhlükəsizlik ehtiyaclarımızı maliyyələşdirmək üçün cəld hərəkət etmələrinə ehtiyac duyuruq".