Livan İsraillə sərhəddə əsgərinin öldürülməsi ilə bağlı BMT TŞ-yə məlumat verəcək

Livan hökuməti İsraillə sərhəddə hərbçisinin öldürülməsi ilə bağlı BMT Təhlükəsizlik Şurasına (TŞ) məlumat verəcək. 

"Operativ Media" xəbər verir ki, bu barədə "X" sosial şəbəkəsində respublikanın xarici işlər naziri vəzifəsini icra edən Abdullah Bu Həbib məlumat verib.

"Livanın öz hərbçisinin öldürülməsinə cavabı diplomatik olacaq, çünki biz müharibə istəmirik", - Həbib qeyd edib.

Eyni zamanda Abdullah Bu Həbib İsraili BMT Təhlükəsizlik Şurasının 2006-cı ildəki münaqişədən sonra Livan-İsrail sərhədində atəşkəs elan edən 1701 saylı qətnaməsini pozmaqda ittiham edib.

Bundan əvvəl Respublika Silahlı Qüvvələrinin komandanlığının nümayəndəsi İsrail hərbçilərinin Livan ordusunun Əl-Edeisdəki sərhəd məntəqəsini atəşə tutması barədə məlumat vermişdi: "Bir əsgər şəhid olub, daha üç əsgər yaralanıb və xəstəxanaya çatdırılıb".