Rusiyanın Bryansk şəhərində bir gimnaziyaya odlu silah gətirən tələbə bir neçə dəfə atəş açıb, üç nəfəri yaralayıb, sonra isə intihar edib.

"Operativ Media" xəbər verir ki, bu barədə Rusiya Daxili İşlər Nazirliyinin Teleqram kanalında bildirilib.

"Bu gün polisə Bryansk şəhərindəki 5 saylı gimnaziyada atışma barədə məlumat daxil olub. Polis əməkdaşları dərhal hadisə yerinə gediblər. İlkin məlumata görə, şagirdlərdən biri gimnaziya binasına odlu silah gətirib və bir neçə dəfə atəş açıb. Nəticədə 3 nəfər yaralanıb.Bundan sonra həmin şəxs intihar edib”, - məlumatda deyilir.