Hakan Fidan ABŞ-yə səfər edəcək 

Türkiyənin xarici işlər naziri Hakan Fidan Qəzzada müharibənin dayandırılması və daimi sülhün təmin edilməsi ilə bağlı danışıqlar aparmaq üçün sabah ABŞ-nin paytaxtı Vaşinqtona səfər edəcək.

"Operativ Media" xəbər verir ki, bu barədə Türkiyə Xarici İşlər Nazirliyi məlumat yayıb.

Nazirlikdən verilən açıqlamada, İslam Əməkdaşlıq Təşkilatı (İƏT) və Ərəb Liqasının noyabrın 11-də keçirilən Fövqəladə Birgə Zirvə toplantısında Türkiyə, Fələstin, Səudiyyə Ərəbistanı, İndoneziya, Misir, İordaniya, Qətər və Nigeriya kimi ölkələrin xarici işlər nazirlərinə Qəzzada müharibənin dayandırılması və daimi sülhün təmin edilməsi üçün beynəlxalq təşəbbüslərlə çıxış etmək vəzifəsinin verildiyi bildirilib.

Hakan Fidanın ortaq diplomatik səylər çərçivəsində təmaslar aparmaq üçün sabah Vaşinqtona səfər edəcəyi bildirilib.