Gürcüstan "Cənubi Osetiya" tərəfindən saxlanılan vətəndaşın azad edildiyini bildirib

"Qondarma "Cənubi Osetiya hakimiyyəti" tərəfindən saxlanılan Gürcüstan vətəndaşı azad edilib".

"Operativ Media" xəbər verir ki, bu barədə Gürcüstanın Dövlət Təhlükəsizlik Xidməti məlumat yayıb.

"Qeyri-qanuni saxlanılan Giorgi Darçiaşvili azadlıqdadır və mərkəzi hakimiyyət orqanlarının nəzarətində olan əraziyə gətirilib", - departamentin bəyanatında deyilir.

Qeyd olunur ki, vətəndaşın azad edilməsi üçün Gürcüstan hakimiyyətinin əlində olan bütün vasitələrdən, o cümlədən Aİ-nin müşahidəçi missiyası tərəfindən idarə olunan qaynar xəttdən istifadə edilib.