İsrail Qəzza zolağında bir gündə 8 əsgərini itirdiyini açıqlayıb

İsrail Qəzzada bir gündə bir batalyon komandiri də daxil olmaqla 8 hərbçi itirdiyini bildirib.

"Operativ Media" xəbər verir ki, İsrail Müdafiə Qüvvələrinin (IDF) səkkiz əsgəri, o cümlədən Qolani briqadasının 13-cü batalyonunun komandiri Qəzza zolağının Şucayya bölgəsində döyüş zamanı həlak olub.

Anklavda altı həftəlik quru əməliyyatı zamanı 113 İDF əsgəri həlak olub.

“The Jerusalem Post” qəzeti Qəzza şəhərinin şərqində yerləşən Şucayyə bölgəsində gedən döyüşdə 350-yə yaxın fələstinli radikalın öldürüldüyünü yazır. Qəzet qeyd edir ki, hərbçilər həftə sonuna qədər ərazini Fələstin HƏMAS hərəkatının qüvvələrindən təmizləməyi planlaşdırır .