Skandinaviya ölkələri Ukrayna ilə təhlükəsizlik zəmanətləri ilə bağlı danışıqlara başlayacaq

"Skandinaviya ölkələri Ukrayna ilə uzunmüddətli təhlükəsizlik öhdəlikləri üzrə danışıqlara başlamağa razılaşıblar". 

"Operativ Media" xəbər verir ki, bu barədə Osloda Ukrayna-Şimali Avropa sammitinin yekunlarına dair birgə bəyanatda deyilir.

İclasda Ukraynadan başqa, Danimarka, İslandiya, Norveç, Finlandiya və İsveç iştirak edib. 

"Şimal ölkələri 2023-cü il iyulun 12-də G7 liderlərinin Ukraynaya dəstək haqqında birgə bəyannaməsini dəstəklədiklərini təsdiqləyirlər və G7 müttəfiqləri və tərəfdaşları ilə sıx koordinasiyada rəsmiləşdiriləcək təhlükəsizlik öhdəlikləri üzrə Ukrayna ilə ikitərəfli danışıqlara başlamağa razılaşırlar", - deyə Ukrayna prezidenti Volodimir Zelenskinin ofisi bildirib.

Bundan əvvəl Zelenski Ukrayna və İsveç nümayəndələrinin Kiyevə təhlükəsizlik zəmanəti vermək üçün işə başladığını bildirmişdi.