Çinin paytaxtı Pekində metro qəzası baş verib.

"Operativ Media" xarici KİV-ə istinadən xəbər verir ki, metronun xətlərindən birində baş vermiş qatar qəzasından sonra ümumilikdə 515 nəfər lazımi müayinələr üçün xəstəxanaya göndərilib və bu insanlar arasında ən azı 102 nəfər sınıq xəsarəti alıb.

Pekin Bələdiyyə Nəqliyyat Komissiyasının məlumatına görə, ilkin araşdırmalar göstərib ki, güclü qar yağması səbəbindən relslərin sürüşkən olması ön qatarın təcili əyləclənməsinə və relslərdə dayanmasına səbəb olub.

Enişdə olan arxa qatar sürüşərək tam əyləc edə bilməyib və nəticədə ön qatarla toqquşub.