İsrail Hizbullah və İranı tibb mərkəzinə kiberhücum cəhdində ittiham edib

İsrail tibb mərkəzinə kiberhücum cəhdinin arxasında Hizbullah və İranın olduğunu bildirib.

"Operativ Media" xəbər verir ki, bu barədə İsrailin Milli Kibertəhlükəsizlik İdarəsi məlumat yayıb.

"Davam edən “Dəmir Qılınclar” əməliyyatı zamanı Ziv Tibb Mərkəzinə kiberhücum cəhdinin arxasında duran şəxslərin İran və Hizbullah olduğu müəyyən edilib.İran tərəfindən bir qrup “Hizbullah” hakerinin iştirakı ilə həyata keçirilən hücumun məqsədi xəstəxananın fəaliyyətini pozmaq olub. lakin son nəticədə uğursuzluğa düçar oldu”, - deyə məlumatda bildirilir.

İdarənin məlumatına görə, hücuma cəhd təxminən üç həftə əvvəl baş verib.