Blinken: G7 Yaxın Şərqdə nizamlanma üçün çalışmağa davam edəcək

"Yeddilik Qrupu (G7) Yaxın Şərqdəki vəziyyətin həlli istiqamətində fəaliyyətini davam etdirəcək". 

"Operativ Media" xəbər verir ki, bu sözləri çərşənbə axşamı Romada açılacaq İtaliya səfirlərinin konfransına videomüraciət göndərən ABŞ dövlət katibi Antoni Blinken deyib.

"Biz İtaliyanın G7-yə sədrliyi ilə beynəlxalq səviyyədə fayda gətirəcək konkret öhdəlikləri ehtiva edən bir gündəm üzərində işləyəcəyik. Yaxın Şərqdəki münaqişənin həlli üçün işləməyə davam edəcəyik", - diplomat qeyd edib.

Blinken əlavə edib ki, G7 Ukraynanın hərbi, iqtisadi və demokratik baxımdan ayağa qalxması üçün lazım olan hər şeyə malik olması üçün” Kyevi dəstəkləməyə davam edəcək.