Azərbaycan Xarici İşlər Nazirliyi Çinə başsağlığı verib.

"Operativ Media" xəbər verir ki, bu barədə XİN-nin "X" hesabında paylaşım edilib.

"Çində baş verən dağıdıcı zəlzələ nəticəsində çox sayda ölən və yaralananların olması xəbəri bizi dərindən kədərləndirdi.

Həlak olanların ailələrinə dərin hüznlə başsağlığı verir, yaralananların tezliklə sağalmasını arzu edirik", - paylaşımda deyilir.

Qeyd edək ki, Çinin şimal-qərbindəki Qansu əyalətində 6,2 bal gücündə baş vermiş zəlzələ nəticəsində azı 118 nəfər həlak olub, çox sayda yaralı var.