Quterreş: İsrailin əməliyyatı Qəzzaya humanitar yardımın çatdırılmasına mane olur

"İsrailin Qəzza zolağında apardığı əməliyyat üsulları Fələstin anklavının əhalisi arasında humanitar yardımın paylanmasını xeyli çətinləşdirir". 

"Operativ Media" xəbər verir ki, bu barədə jurnalistlərə BMT-nin baş katibi Antonio Quterreş məlumat verib.

"Bir çox insanlar Qəzzada humanitar əməliyyatın effektivliyini Misir Qızıl Aypara Cəmiyyətindən, BMT-dən və tərəfdaşlarımızdan yardımların boşaldılmasına icazə verilən yük maşınlarının sayına görə ölçürlər. Bu, səhvdir. Əsl problem İsrailin necə davranmasıdır. İsrailin hücum həyata keçirməsi Qəzzada humanitar yardımın yayılmasına ciddi maneələr yaradır", - Quterreş bildirib.