Dünya Azərbaycanlılarının Həmrəyliyi Günü və Yeni il münasibətilə dekabrın 24-də Bakı Kristal Zalında “Həmrəylik Festivalı” keçiriləcək.

Bu barədə "Operativ Media"ya Gənclər Təşkilatları Milli Şurasının Mətbuat xidmətindən məlumat verilib. 

Tədbir şuranın təşkilatçılığı və aparıcı tələbə və könüllü təşkilatlarının dəstəyi ilə baş tutacaq. 

Bildirilib ki, 40 min gənc ilin ən böyük gənclər tədbirində iştirak üçün qeydiyyatdan keçib. 

Tədbirdə ərazi bütövlüyü tam təmin olunmuş bir ölkənin qalib gəncləri müasir tariximizin ən uğurlu illərindən birini böyük şənliklə qeyd edəcəklər.

Festivalın konsert proqramında Xalq artistləri Röya Ayxan və Miri Yusif, bəstəkar-müğənni Murad Arif, müğənnilər İlhamə Qasımova və Hiss, həmçinin DJ Kənan Drums çıxış edəcəklər.