Hizbullah İsrailin şimalındakı Dişon qəsəbəsinə hücum edib

Hizbullah partiyasının silahlı qanadının dəstələri Livanla sərhəddən 1 km aralıda yerləşən Dişon qəsəbəsində İsrail ordusunun mövqelərini atəşə tutub. 

"Operativ Media" xəbər verir ki, bu barədə təşkilatın hərbi informasiya xidmətinin "Telegram" kanalında bildirilib.

Qeyd edilib ki, zərbələr çoxsaylı buraxılış raket sistemlərindən endirilib.

Əməliyyatın "İsrailin Qəzza zolağında təcavüzkar hücumlarına müqavimət göstərən Fələstin əhalisi və onların rəşadətli müqaviməti ilə həmrəylik məqsədilə həyata keçirildiyi" bildirilib.

İsrail artilleriyası isə cavab atəşi ilə qarşılıq verib.