Çin lideri Honq-Konq və Makaonun muxtariyyətini dəstəklədiyini bildirib

Çin prezidenti Si Tsinpin Honq-Konq və Makaonun Xüsusi İnzibati Bölgələri üçün geniş dərəcədə muxtariyyətə hörmətlə yanaşaraq "Bir ölkə, iki sistem" prinsipinin həyata keçirilməsinə çağırıb. 

"Operativ Media" xəbər verir ki, o, bunu Çin Xalq Respublikasının ilk sədri və qurucusu Mao Tszedunun anadan olmasının 130 illiyi münasibətilə Pekində Böyük İcma Salonunda təntənəli nitqlə çıxış edərkən deyib.

"Biz "Bir ölkə, iki sistem", "Honq Konq xalqı Honq-Konqu, Makao xalqı isə Makaonu idarə edir" prinsiplərini hərtərəfli, dəqiq və davamlı şəkildə həyata keçirməliyik, eyni zamanda yüksək muxtariyyət təmin etməliyik", - Çin Mərkəzi Televiziyası onun sözlərini sitat gətirib.

Tsinpin həmçinin Honq-Konq və Makaonun qanunlara və "Honq Konq vətənpərvərlər tərəfindən idarə olunur" və "Makao vətənpərvərlər tərəfindən idarə olunur" prinsiplərinə uyğun idarə olunmasına çağırıb. Eyni zamanda, o, bu xüsusi inzibati rayonlar üçün yüksək dərəcədə muxtariyyətin təmin edilməsinin vacibliyini vurğulayıb.