Suriyada terrorçu qrupların maliyyələşdirilməsində iştirak edən 4 nəfər Yekaterinburqda tutulub

Rusiya Təhlükəsizlik Qüvvələri Yekaterinburqda Suriyada terrorçu qrupların maliyyələşdirilməsində iştirak edən 4 xarici vətəndaşı saxlayıb.

"Operativ Media" xəbər verir ki, bu barədə RİA məlumat yayıb.

“Rusiya Federal Təhlükəsizlik Xidmətinin Sverdlovsk vilayəti üzrə İdarəsi Yekaterinburqda keçirdiyi xüsusi əməliyyat nəticəsində Rusiya ərazisində qadağan olunmuş “Katiba Tawhid Wal-Cihad” beynəlxalq terror təşkilatının nümayəndələrinə maliyyə yardımı göstərən dörd xarici vətəndaşı saxlayıb.

Qeyd olunub ki, terrorçuluq fəaliyyətinə şərait yaratma maddəsi ilə cinayət işi açılıb. Təqsirləndirilən şəxslər həbs edilib.