Hakan Fidan: Beynəlxalq ictimaiyyətin hərəkətsizliyi Qəzzada böhranı daha da pisləşdirir

"Beynəlxalq ictimaiyyətin hərəkətsizliyi və ABŞ və bəzi Qərb ölkələrinin İsrailə verdiyi dəstək Qəzzadakı böhranı daha da pisləşdirdi və bu böhran gərginləşir". 

"Operativ Media" xəbər verir ki, bu barədə "TRT Haber" telekanalı Türkiyə Xarici İşlər Nazirliyinin rəhbəri Hakan Fidana istinadən məlumat yayıb.

"Beynəlxalq ictimaiyyət bu prosesin qarşısını almaq üçün heç bir səy göstərməyib. Bunun nəticələrini qiymətləndirmək və müzakirə etmək lazımdır, lakin hər bir ölkə böhrandan ciddi dərslər çıxarmalıdır. Bu məsələ o qədər faydalıdır ki, bu gün Qəzzada olduğu kimi sabah da başqalarının başına eyni şeylər gəlsə, heç kim heç nə etməyəcək", - deyə Fidan bildirib.

Onun fikrincə, regionda qüvvələr nisbəti dəyişdikcə, regional oyunçuların siyasi baxışları da dəyişəcək: "Bu, ilk növbədə, ABŞ və İsrailin ən yaxın dostları hesab edilən region ölkələrinə aiddir. Onların indi tutduqları mövqeləri dostluq və ya düşmənçilik deyil, çarəsizlik diktə edir. ABŞ və bəzi Qərb dövlətlərindən İsrailə qeyd-şərtsiz dəstək region üçün ciddi problemdir. Düşünürəm ki, Qəzzada qətliamın təkrarlanmasını istəməyənlər ciddi şəkildə silahlanma yoluna davam edə bilərlər", - TRT Haber Türkiyə Xarici İşlər Nazirliyinin rəhbərinin sözlərindən sitat gətirib.