Fransa xarici işlər naziri fələstinli həmkarı ilə Qəzzadakı vəziyyəti müzakirə edib

Fransanın xarici işlər naziri Ketrin Kolonna fələstinli həmkarı Riyad əl-Maliki ilə danışıqlar aparıb, Qəzza zolağındakı vəziyyəti və anklav əhalisinə humanitar yardımın çatdırılmasını müzakirə edib.

"Operativ Media" xəbər verir ki, o, bu barədə "X" sosial şəbəkəsindəki səhifəsində məlumat verib.

"Fələstinli həmkarım əl-Maliki ilə uzun söhbət apardıq. Qəzzada humanitar vəziyyət indi faciəvidir, daha çox humanitar yardım göndərmək lazımdır", - deyə xarici işlər naziri Fransa və İordaniyanın əlavə yardım göndərdiyini əlavə edib.