Beynəlxalq axtarışda olan 8 Özbəkistan vətəndaşı Türkiyədə həbs edilib

2024-cü ilin əvvəlindən Özbəkistan və Türkiyənin hüquq-mühafizə orqanları ilə əməkdaşlıq çərçivəsində 8 Özbəkistan vətəndaşı həbs edilib.

"Operativ Media" xəbər verir ki, bu barədə Özbəkistanın İstanbuldakı Baş Konsulluğu məlumat yayıb.

Bildirilib ki, onlar mütəşəkkil cinayətkar qruplaşmalarda, narkotik vasitələrin qaçaqmalçılığında, quldurluqda və dələduzluqda şübhəli bilinərək beynəlxalq axtarışa verilib.