Qəzzadan Türkiyəyə daha 85 xəstə gətiriləcək

Qəzzadan 85 xəstə və yaralı bu gün axşam saatlarında Misirdən Türkiyəyə gətiriləcək.

"Operativ Media" xəbər verir ki, bu barədə Türkiyənin səhiyyə naziri Fahrettin Koca bildirib.

O, sosial media hesabında 7-ci təxliyə ekspedisiyasının reallaşacağını açıqlayıb.

Əlavə edilib ki, 106 nəfərlik heyətin müşayiəti ilə gətiriləcək xəstələr Türkiyədə müalicə olunacaqlar.

Təxliyə əməliyyatlarının davam edəcəyi gözlənilir.