BMT 2024-cü ildə Ukraynaya 3,1 milyard dollar ayırmağı planlaşdırır

Birləşmiş Millətlər Təşkilatı 2024-cü ildə Ukraynada 8,5 milyon insana kömək etmək üçün Ukraynaya 3,1 milyard dollar ayırmağı planlaşdırır.

"Operativ Media" xəbər verir ki, bu barədə "Reuters" məlumat yayıb.

Qeyd edilib ki, 2024-cü ildə Rusiyanın genişmiqyaslı işğalı səbəbindən 14,6 milyondan çox insan və ya Ukrayna əhalisinin 40%-i humanitar yardıma ehtiyac duyacaq.

Münaqişə həmçinin təxminən 6,3 milyon insanı xaricə qaçmağa məcbur edib. Dörd milyon insan, o cümlədən bir milyona yaxın uşaq ölkədə məcburi köçkün olaraq qalır.