15 Yanvar 2024, 12:17
Belarus hərbçiləri Rusiyada təlim keçəcəklər

Belarus hərbi qulluqçuları Rusiyada təlim keçəcək, əsas diqqət Kiyevə qarşı xüsusi hərbi əməliyyatın təcrübəsinə yönəldiləcək.
"Operativ Media" xəbər verir ki, bu barədə Belarusun Müdafiə Nazirliyi məlumat yayıb.
"Belarus hərbçiləri Rusiya Federasiyası ərazisində təlim keçəcəklər. Təlim zamanı Rusiya silahlı qüvvələrinin xüsusi hərbi əməliyyat zamanı əldə etdiyi təcrübəyə diqqət yetiriləcək", - nazirliyin mətbuat xidmətinin yaydığı məlumatda deyilir.
Qeyd olunur ki, təlimləri başa vurduqdan sonra Belarus hərbçiləri ən mürəkkəb döyüş hazırlığı fənləri üzrə təlimatçılar kimi əldə etdikləri təcrübəni Belarus Respublikası silahlı qüvvələrinin bölmələrinə ötürəcəklər.