Məşhur insayder "Ice Universe" Çinin "Weibo" sosial şəbəkəsindəki səhifəsində Samsung Galaxy S24 Ultra flaqman smartfonunun yeni real fotolarını yerləşdirib.

"Operativ Media" xəbər verir ki, fotoda cihaz boz titan rəngində göstərilir. Görünür, bu, kommersiya nümunəsidir, çünki cihaz qutusu arxa planda görünür.

Bu, cihazların artıq mağazalara çatdırıldığını və onların rəsmi elanını gözlədiyini deməyə əsas verir.

Xatırladaq ki, Samsung Galaxy S24 seriyasının premyerası 17 yanvar 2024-cü il, Bakı vaxtı ilə saat 22:00-da planlaşdırılır. Buraya üç model daxil olacaq: Galaxy S24, Galaxy S24+ və Galaxy S24 Ultra.

Samsung Galaxy S24 6,2 düym, Samsung Galaxy S24+ 6,7 düym, Samsung Galaxy S24 Ultra isə 6,8 düym ekrana sahib olacaq.