III Çarlz səhhətinə görə müvəqqəti olaraq dövlət vəzifələrini yerinə yetirməyəcək

Britaniya kralı III Çarlz gələn həftə tibbi prosedurdan keçəcək. Bununla bağlı o, müvəqqəti olaraq dövlət vəzifələrini yerinə yetirməyi dayandıracaq. 

"Operativ Media" xəbər verir ki, bu barədə Bukingem Sarayının bəyanatında deyilir.

"Hər il minlərlə kişi kimi, Kral da prostatın böyüməsi ilə bağlı müalicəyə ehtiyac duyurdu. Əlahəzrətin vəziyyəti yaxşıdır və o, gələn həftə formal prosedur üçün xəstəxanaya gedəcək. Kralın ictimai vəzifələri qısa müddətə təxirə salınacaq" , - bəyanatda qeyd olunub.

Qeyd edək ki, III Çarlzın 75 yaşı var. O, 2022-ci ilin sentyabrında anası II Yelizavetanın (1926-2022) ölümündən sonra taxta çıxıb.