"İran ərazisinə endirilən zərbələrin yeganə məqsədi Pakistanın təhlükəsizliyini və milli maraqlarını təmin etməkdir".
"Operativ Media" xəbər verir ki, bu barədə ölkənin Xarici İşlər Nazirliyi məlumat yayıb.
"Pakistan İran İslam Respublikasının suverenliyinə və ərazi bütövlüyünə tam hörmət edir. Bugünkü zərbələrin yeganə məqsədi Pakistanın öz təhlükəsizliyini və milli maraqlarını təmin etmək olub. Bu, böyük əhəmiyyət kəsb edir və Pakistan heç bir güzəştə gedə bilməz".
Bundan əvvəl Pakistan Xarici İşlər Nazirliyi məlumat vermişdi ki, "Pakistan İranın Sistan və Bəlucistan əyalətində terrorçuların sığınacaqlarına qarşı yüksək koordinasiyalı və hədəflənmiş dəqiq hərbi zərbələr endirib”.
