"Ukrayna öz ərazisində böyük raket ehtiyatları saxlamaqdan qorxur". 

"Operativ Media" xəbər verir ki, bu barədə Ukrayna Silahlı Qüvvələri Komandanlığının müşaviri Yuri İqnat bildirib.

Onun sözlərinə görə, Ukrayna Rusiya Silahlı Qüvvələrinin hücum təhlükələri səbəbindən ölkənin hava hücumundan müdafiə sistemləri üçün iri raket ehtiyatlarını öz ərazisində saxlamaqdan qorxur:

“Biz çoxlu raketləri dərhal əldə edə bilmərik. Çünki onları saxlamaq lazımdır və gec-tez düşmən bundan xəbər tutacaq”, - deyə İqnat qeyd edib.

O bildirib ki, Rusiya kəşfiyyatı işləyir və Ukraynada tam sursat anbarlarının yerləşdirilməsinin mənası yoxdur.