"Belarus xüsusi xidmət orqanları respublikada dövlət çevrilişinə hazırlaşan qonşu dövlətlərin döyüş hücrələrinin tərkibi barədə məlumatlara malikdir".

"Operativ Media" xəbər verir ki, bunu Belarus Təhlükəsizlik Şurasının dövlət katibi Aleksandr Volfoviç deyib.

O vurğulayıb ki, Polşa və Baltikyanı ölkələrin hakimiyyət orqanları hazırkı hökuməti devirmək üçün onları Belarus ərazisinə göndərmək məqsədi ilə döyüş hücrələrinin yaradılmasını təşviq edir:

"ABŞ-ın bu dağıdıcı hərbi siyasətinin liderləri bizim qonşularımızdır; Polşa, Baltikyanı ölkələr və Ukrayna liderləri", - deyə Volfoviç bildirib.

Onun sözlərinə görə, təxribat və kəşfiyyat qrupları Rusiya və Belarus ərazisindən qaçan cinayətkarlar arasından hazırlanır.