İsveçrədə 10 mindən çox şəxs Fələstinə dəstək yürüşü keçirib

İsveçrənin Cenevrə şəhərində minlərlə insan soyuq havaya baxmayaraq İsrailin hücumlarına məruz qalan Fələstin xalqına dəstək yürüşü keçirib.

Bu barədə "Operativ Media" xarici KİV-ə istinadən xəbər verir.

Sayı 10 mini keçən nümayişçilər Cenevrədəki Neuve meydanına toplaşaraq saatlarla şəhərin mərkəzində gəziblər.

Onlar əllərində Fələstin bayraqları və Fələstin xalqına dəstək mesajları olan plakatlar qaldırıblar.

Qəzzada uşaqların soyqırımı və öldürülməsinə reaksiya verən fəallar ingilis, fransız və ərəb dillərində Fələstinə dəstək şüarları səsləndiriblər.

Nümayişçilər tez-tez ABŞ prezidenti Co Bayden və İsrailin baş naziri Benyamin Netanyahuya qarşı şüarlar səsləndirib və Qəzza üçün dərhal atəşkəs çağırışlarını təkrarlayıblar.