WP: ABŞ ideoloji səbəblərdən Husilərə qarşı əməliyyata başladı

"Birləşmiş Ştatlar Qırmızı dənizdə "Ənsar Allah" (Husilər) hərəkatına qarşı iqtisadi və ya hər hansı digər səbəblərdən deyil, ideoloji baxımdan əməliyyat başlatdı". 

"Operativ Media" xəbər verir ki, bu barədə ABŞ administrasiyasının nümayəndələri "The Washington Post" qəzetinə məlumat veriblər.

Onların fikrincə, ideologiya indiki hərbi kampaniyanın başlanması üçün əsas hərəkətverici qüvvəyə çevrilib. Rəsmilər qeyd edib ki, ABŞ prezidenti Co Baydenə görə, Birləşmiş Ştatlar "qüdrətli orduya və ümumi məqsədə çatmaq üçün digər ölkələri birləşdirməyə qadir olan əvəzsiz bir dövlət kimi" hərəkət etməlidir. Administrasiya rəsmiləri həmçinin Baydenin Qırmızı dənizdə əməliyyatlara başlamaq qərarını Vaşinqtonun milyardlarla dollar hərbi yardım etdiyi Ukraynanı dəstəkləmək öhdəliyi ilə müqayisə ediblər.

Onlar əlavə edib ki, ABŞ administrasiyası münaqişənin qısamüddətli olacağını gözləyir, çünki ABŞ Husiləri tamamilə məhv etmək və ya Yəməndə genişmiqyaslı müharibəyə başlamaq niyyətində deyil. Lakin rəsmilər əməliyyatın mümkün başa çatması ilə bağlı konkret tarixlər deyə bilməyiblər.

"Washington Post"un başqa bir mənbəsi qeyd edib ki, ABŞ və Böyük Britaniyanın zərbələri artıq təsirə məruz qalmış hərbi hədəfləri əhəmiyyətli dərəcədə zəiflədə bilib, lakin Husilər hələ də əhəmiyyətli bir arsenala malikdir.