Qəzzada quru əməliyyatı zamanı həlak olan İsrail hərbçilərinin sayı 195-ə çatıb

2023-cü ilin noyabr ayının sonunda quru əməliyyatı başlayandan Qəzza zolağında HƏMAS hərəkatı ilə döyüşlərdə həlak olan İsrail Müdafiə Qüvvələrinin şəxsi heyətinin sayı 195-ə yüksəlib.

"Operativ Media" xəbər verir ki, bu barədə ordunun mətbuat xidməti məlumat yayıb.

Məlumata görə, bazar günü daha bir əsgər həlak olub.

Son məlumatlara görə, Qəzza zolağının cənubunda 23 yaşlı çavuş ölüb. 2023-cü il oktyabrın 7-də HƏMAS yaraqlılarının hücumundan sonra münaqişənin kəskinləşməsindən bəri İsrail ordusunun ümumi itkiləri 530 nəfəri keçib.