İsveç parlamentinin üzvü islami simvollardan istifadəni qadağan etməyə çağırıb

İsveç parlamentinin üzvü və parlamentin ədalət komitəsinin sədri Riçard Yumşoff ictimai yerlərdə islami simvollardan istifadəni qadağan etməyə çağırıb.

"Operativ Media" xəbər verir ki, bu barədə İsveçin gündəlik qəzeti "Svenska Dagbladet"-ə müsahibəsində danışıb.
Müsahibədə siyasətçidən "svastika nümunəsi ilə" ictimai yerlərdə İslam simvollarının qadağan edilib-edilməməsi ilə bağlı sual verilib. O isə belə cavab verib:

 “Aydındır ki, minarələr, xüsusən də aypara İslamı təmsil edən simvollardır. Bir çox insanın, o cümlədən mənim nöqteyi-nəzərindən bu, çox təhlükəli bir şeyi təmsil edir. Çox pis şeydir. Belə bir məhdudiyyət, şübhəsiz ki, irəliyə doğru mümkün bir addımdır".

Riçard Yumşof bildirib ki, o, İslamı nasizmlə eyniləşdirmir:

"Mənim üçün örtünmək islami xüsusiyyətdir və bilirəm ki, bir çox insanlar, xüsusən də keçmiş müsəlmanlar və qadınlar eyni hissləri keçirirlər", - deyə siyasətçi əlavə edib.