Ermənistan Çexiya və Qırğızıstana hərbi attaşelər göndərməyi planlaşdırır

Ermənistan Çexiya və Qırğızıstana hərbi attaşelər göndərməyi planlaşdırır.

"Operativ Media" xəbər verir ki, bu məsələ hökumətin iclasının gündəliyinə daxildir.

Çexiyaya hərbi attaşe göndərilməsi ilə bağlı layihədə bildirilib ki, layihənin qəbulu Ermənistan Respublikasında dövlətlərin hərbi-siyasi əməkdaşlığını əlaqələndirəcək və bu sahədə səviyyəni gücləndirəcək akkreditə olunmuş hərbi attaşe olacaq. Çex Respublikası ilə  ikitərəfli qarşılıqlı fəaliyyətin təkmilləşdirilməsi, habelə iki ölkə arasında əməkdaşlığın gələcək inkişafı üçün tövsiyələrin verilməsi də nəzərdə tutulub. Qeyd olunub ki, Çexiyadakı hərbi attaşe postu Ermənistanın Almaniyadakı səfirliyindəki hərbi attaşe postu ilə birləşdiriləcək.

Qırğızıstana hərbi attaşenin göndərilməsi layihəsində Ermənistan və Qırğızıstanın müdafiə və hərbi-texniki sahədə əlaqələrin daha da inkişaf etdirilməsi üçün əhəmiyyətli potensiala və perspektivlərə malik olduğu bildirilib

“Hərbi attaşenin Qırğızıstanda olması iki ölkə arasında müdafiə sahəsində əməkdaşlığın daha da inkişafına töhfə verəcək. Həmçinin bu, müdafiə sahəsində birgə tədbirlərin həyata keçirilməsinə də yeni təkan verəcək. Hərbi attaşenin olması müdafiə sahəsində Ermənistan-Qırğızıstan münasibətlərinin daha yüksək tərəfdaşlıq səviyyəsinə yüksəlməsinə imkan verəcək”, - layihənin əsaslandırmasında deyilir.

Qırğızıstandakı hərbi attaşenin vəzifələri Qazaxıstan Respublikasındakı hərbi attaşenin vəzifələri ilə birləşdiriləcək.