ABŞ Qara dəniz regionunda təhlükəsizlik strategiyası hazırlamağa başlayıb

"ABŞ Qara dəniz regionunda təhlükəsizliyi təmin etmək üçün strategiya hazırlamağa başlayıb". 

"Operativ Media" xəbər verir ki, bunu ABŞ dövlət katibinin Avropa və Avrasiya məsələləri üzrə köməkçisi Ceyms O`Brayen deyib.

Vaşinqtonda Alman Marşal Fondunda çıxış edən amerikalı diplomat bildirib: "Gələcəkdə Qara dəniz strategiyamızı gücləndirmək üçün regiondakı tərəfdaşlar və müttəfiqlərlə işləməli olacağıq". 

Onun sözlərinə görə, amerikalı qanunvericilər ABŞ prezidenti Co Bayden administrasiyasından bu sahədə daha ​​diqqətli strategiya tələb edirlər.

"Biz artıq bu prosesə başlamışıq. Hələ bu həftə mən Türkiyə və digər sahilyanı dövlətlərlə gələcəkdə strategiyanın gücləndirilməsini müzakirə etmək üçün görüşlər keçirdim. Bunun üzərində işləyəcəyik", - O'Brayen bildirib.