Türkiyə MTŞ dünyada qarşıdurmaların yayılması riskindən danışıb

İsrailin Qəzza zolağında əməliyyatını davam etdirməsi dünyada münaqişələrin genişlənməsinə səbəb olacaq. 

"Operativ Media" xəbər verir ki, bu barədə Türkiyə Milli Təhlükəsizlik Şurasının prezident Rəcəb Tayyib Ərdoğanın sədrliyi ilə keçirilən iclasının bəyanatında deyilir.

Bəyanatda qeyd edilir: "İsrailin Qəzzada davam edən əməliyyatları regionda sülhün, təhlükəsizliyin və kövrək tarazlığın düzəlməz dərəcədə pisləşməsinə, eləcə də münaqişələrin yayılmasına səbəb olacaq".

"Qəzzada törədilən insanlığa qarşı cinayətlərin qarşısını ala bilmədiyi üçün BMT başda olmaqla, bütün təsisatlar və hüquqi normativlərin, ümumiyyətlə beynəlxalq sistemin təcili islahatlara ehtiyacı var", - bəyanatda əlavə edilib.