Rusiya XİN: Koreya yarımadası ilə bağlı danışıqların bərpası mümkün görünmür

Koreya yarımadasında danışıqlar prosesinin bərpası üçün heç bir perspektiv yoxdur. 

"Operativ Media" xəbər verir ki, bu barədə Rusiya Xarici İşlər Nazirliyinin rəhbəri Sergey Lavrov bildirib.

"Mövcud şəraitdə danışıqlar prosesinin bərpası perspektivləri görünmür. Eyni zamanda, sanksiyalar və güc üsulları Koreya yarımadasının nüvə və digər problemlərinin siyasi və diplomatik həlli üçün ilkin şərt ola bilməz", - Rusiya Xarici İşlər Nazirliyi qeyd edib.

Nazirlik əlavə edib ki, Rusiya və Çin ardıcıl olaraq ABŞ və müttəfiqlərini blok düşüncəsindən əl çəkməyə və KXDR ilə qarşılıqlı hörmətli dialoq yolu tutmağa çağırıb: "Əgər amerikalılar həqiqətən də yarımadada uzunmüddətli sülh və sabitliyi bərqərar etmək istəsəydilər, o zaman onlar Rusiya-Çin müvafiq təşəbbüslərini rədd etməzdilər. Mən yol xəritəsini və Fəaliyyət Planını, həmçinin siyasi və humanitar qətnamə layihəsini nəzərdə tuturam. Bu sənədlərdə danışıqların qarşısının alınmasına və Şimal-Şərqi Asiyada təhlükəsizliyin hərtərəfli arxitekturasının formalaşmasına yönəlmiş konkret mərhələli addımlar var".