Cənubi Koreya nüvə silahının inkişafını qeyri-real hesab edir

Koreya Respublikasının prezidenti Yoon Seok-yeol mümkün sanksiyalar səbəbindən öz nüvə silahının hazırlanması təklifini hazırda qeyri-real hesab edib, lakin bildirib ki, ölkənin tezliklə bu növ silah əldə etmək potensialı var. 

"Operativ Media" xəbər verir ki, bu barədə o, KBS telekanalına müsahibəsində bildirib.

"Əgər biz bunu etməyə qərar versək, o zaman nüvə silahının inkişafı çox vaxt aparmayacaq. Hazırda Nüvə Silahının Yayılmaması haqqında Müqaviləyə tam əməl olunması daha çox milli maraqlara uyğundur", - prezident deyib.

"Nüvə silahı istehsal etsək, Şimali Koreya kimi müxtəlif iqtisadi sanksiyalarla üzləşəcəyik. İqtisadiyyatımız ciddi zərbə alacaq. Bu, qeyri-real söhbətdir", - o yekunlaşdırıb.