İndoneziya Qətərdən "Mirage" qırıcı təyyarələri almaqdan imtina edib

İndoneziya büdcə məhdudiyyətləri və hakimiyyət orqanlarının mövcud təyyarələri modernləşdirmək niyyəti səbəbindən Qətərdən 790 milyon dollara 12 ədəd "Mirage 2000-5" döyüş təyyarəsi almaq planlarından imtina edib. 

"Operativ Media" xəbər verir ki, bu barədə İndoneziya Müdafiə Nazirliyinin nümayəndəsi məlumat verib.

"Mirage" qırıcılarının satın alınması olmayacaq. Belə planlar ləğv edildi. Bu o deməkdir ki, müqavilə etibarlı deyil", - məlumatda qeyd edilib.

Əvvəllər bildirildi ki, Cakarta hava hücumundan müdafiə sistemindəki boşluğu doldurmaq məqsədilə 2023-cü ilin yanvarında Qətərdən istifadə olunmuş Fransa istehsalı olan döyüş təyyarələri almaq üçün müqavilə bağlayıb. Sənədə həmçinin 14 mühərrikin tədarükü, üç illik texniki yardım, yerüstü dəstək avadanlığı və ekipaj hazırlığı daxildir. Qırıcılar müqavilənin imzalandığı tarixdən iki il ərzində təhvil verilməli idi.