HƏMAS: İsrailin endirdiyi zərbələr nəticəsində iki girov ölüb

HƏMAS hərəkatının tərəfdarları İsrail ordusunun Qəzza zolağına endirdiyi zərbələr nəticəsində son dörd gündə iki israilli girovun öldürüldüyünü, 8 nəfərin isə yaralandığını iddia edib. 

"Operativ Media" xəbər verir ki, bu barədə təşkilatın "Telegram" kanalında dərc olunan bəyanatda deyilir.

"İzzəddin əl-Qəssam briqadasının döyüşçüləri təsdiq edir ki, son 96 saat ərzində İsrailin Qəzzanı bombalaması nəticəsində iki girov öldürülüb, daha səkkiz nəfər ağır yaralanıb. Yaralıların vəziyyəti getdikcə çətinləşir, çünki onları lazımi müalicə ilə təmin etmək mümkün deyil", - məlumatda qeyd edilib.