Lukaşenko Milli Təhlükəsizlik Konsepsiyası və Hərbi Doktrina layihəsini təsdiqləyib

"Belarus prezidenti Aleksandr Lukaşenko Təhlükəsizlik Şurasının qətnaməsini imzalayıb, beləcə o, Respublikanın Milli Təhlükəsizlik Konsepsiyası və Hərbi Doktrina layihəsini təsdiqləyib". 

"Operativ Media" xəbər verir ki, bu barədə Belarus liderinin mətbuat xidməti məlumat yayıb.

"Dövlət başçısı Təhlükəsizlik Şurasının Dövlət Katibliyi tərəfindən maraqlı dövlət qurumları və digər təşkilatlarla birlikdə yekunlaşan Milli Təhlükəsizlik Konsepsiyası layihəsini ictimai müzakirənin nəticələrinə əsasən təsdiqləyib", - məlumatda deyilir. 

Həmçinin qeyd edilir ki, Təhlükəsizlik Şurasının qətnaməsi ilə təsdiq edilən Hərbi Doktrina layihəsində dünyada və regionda hərbi-siyasi vəziyyətdə baş verən əsas dəyişikliklər, Belarusun hərbi siyasətinin əsasları, hərbi-siyasi vəziyyətə dair milli baxışlar öz əksini tapıb. 

Qətnaməyə uyğun olaraq, Müdafiə Nazirliyi Təhlükəsizlik Şurası üzvlərinin iradlarını nəzərə alaraq hərbi doktrina layihəsini yekunlaşdırmalıdır: "Gələcəkdə hər iki sənəd Belarusun yenilənmiş Konstitusiyasında nəzərdə tutulduğu kimi, ÜmumBelarus Xalq Məclisinin (VPA) təsdiqinə təqdim olunacaq".