Newsweek: Baydenin prezidentlik yarışında qalib gəlmək şansı zəifdir

ABŞ-nin hazırkı prezidenti Co Baydenin ikinci müddətə yenidən seçilmək şansları zəifdir. 

"Operativ Media" xəbər verir ki, bu barədə "Newsweek" jurnalı "Investor's Business Daily (IBD)" və "TIPP Insights" tərəfindən aparılmış təhlilə istinadən yazır.

Nəşrin məlumatına görə, Baydenin amerikalılar arasında dəstəyi son üç ayda xeyli zəifləyib: "Əgər ABŞ-nin hazırkı lideri Demokratlar Partiyasından namizəddirsə, o zaman yenidən seçilmək şansları ən yaxşı halda zəifdir".

Nəşr qeyd edib ki, Prezident Liderliyi İndeksi seçicilərin prezidenti necə qəbul etdiyini üç göstərici əsasında qiymətləndirir: əlverişlilik, işin bəyənilməsi və liderlik. Onun əsas demoqrafik qruplardan dəstəyi qazanıb itirmədiyini müəyyən etmək üçün nəticələr üç ay ərzində prezidentin vəzifədə olduğu müddətdə orta göstəriciləri ilə müqayisə edilir.