Çexiya Qəzza sakinlərinə kömək üçün hərbi həkimlər göndərə bilər

Çexiya Qəzza zolağının sakinlərinə kömək üçün hərbi həkimlər göndərə bilər. 

"Operativ Media" xəbər verir ki, bu barədə CTK agentliyi məlumat yayıb.

Məlumata görə, bunu respublikanın müdafiə naziri Yana Çernoxova deyib.

"Çexiya səhra xəstəxanasında Qəzza sakinlərinə dəstək əməliyyatına qoşula bilər. Oraya bir qrup hərbi həkim göndərilə bilər", - nazir deyib.

Müdafiə Nazirliyinin rəhbəri bu yaxınlarda İsrailə səfər edib. Agentlik qeyd edib ki, İsrailin müdafiə naziri Yoav Qalant Çexiyadan Qəzza sakinlərinə yardım göstərməyə qoşulmağı xahiş edib.