Türkiyənin Ərzincan bölgəsində mədən ərazisində torpaq sürüşməsi baş verib.

"Operativ Media" xəbər verir ki, bu barədə Türkiyə Daxili İşlər Naziri Ali Yerlikaya məlumat yayıb.

O bildirib ki, sürüşmə kütləsinin həcmi 9-10 milyon kubmetrdir. 9 işçi sürüşmə zamanı bu kütlənin altında qalıb.

Axtarılan fəhlələrdən 5-nin konteynerdə, 3-nün nəqliyyatda, digər işçinin isə başqa ərazidə olan yük maşınında olduğu düşünülür.

Nazir qeyd edib ki, axtarış-xilasetmə qüvvələrinin çalışdığı ərazidə sürüşmə riski yoxdur. 100 akr əraziyə yayılmış 10 milyon kubmetr kütləsi var. Yük maşınının hərəkətdə olarkən sürüşmə altında qaldığını bilirik.