Şimali Koreya: Moskva və Pxenyan xarici qüvvələrin təhdidlərinə uğurla cavab verirlər

Moskva və Pxenyan hərbi hazırlıqlara və qeyri-dost qüvvələrin təhdidlərinə qəti şəkildə qarşı çıxırlar və ölkələr qarşılıqlı dəstəyi gücləndirəcək. 

"Operativ Media" xəbər verir ki, bunu KXDR-in Moskvadakı səfiri Şin Honq Çol deyib.

"Bu gün KXDR və Rusiya Federasiyası ümumi düşmənə qarşı birgə mübarizənin tarixi ənənələrinə sadiq qalaraq, hərbi hazırlıqlara və xarici qüvvələrin təhdidlərinə cəsarətlə qarşı çıxır, milli təhlükəsizliyin, sülhün və ləyaqətin qorunması səylərində qarşılıqlı dəstəyi və həmrəyliyi gücləndirir", - diplomat bildirib.

O, Şimali Koreya lideri Kim Çen İnin ötən ilin sentyabrında Rusiya Federasiyasına səfərinin Rusiya prezidenti Vladimir Putin və Rusiya xalqı ilə "dostluq bağlarını gücləndirdiyini" vurğulayıb. Onun sözlərinə görə, Pxenyan sammitdə əldə olunan razılaşmaları həyata keçirməklə iki ölkə arasında münasibətlərin yeni səviyyəyə qaldırılmasının daimi tərəfdarı olaraq qalacaq.