Ermənistan KTMT-nin Hərbi Komitəsinin iclasında iştirak etməyib
Aprelin 12-də Rusiya Federasiyası müdafiə nazirinin birinci müavini, ordu generalı Valeri Gerasimovun rəhbərliyi ilə videokonfrans formatında KTMT-nin 23-cü görüş baş tutub. Ermənistan KTMT-yə üzv ölkələrin hərbi əməkdaşlığının inkişafı üzrə hərbi komitənin iclasında iştirak etməyib.
"Operativ Media" xəbər verir ki, bu barədə qurumun birgə qərargahının mətbuat xidməti məlumat yayıb.
İclasda KTMT-nin Birləşmiş Qərargah rəisi, general-polkovnik Andrey Serdyukov, KTMT baş katibinin müavini Taalatbek Masadikov, təşkilata üzv dövlətlərin müdafiə idarələrinin, Birləşmiş Qərargahın və KTMT Katibliyinin nümayəndələri iştirak ediblər.
Ermənistan təmsilçisi iştirakçılar arasında olmayıb.
Görüş zamanı KTMT-nin kollektiv təhlükəsizlik regionlarında hərbi təhlükəsizliyə çağırışlar və təhdidlər müzakirə edilib.
